ШъолъырымкIэ апэ ит

Урысыем и Къыблэ шъолъыр ит къалэхэм якъэбзагъэ икIы­гъэ илъэсым зыфэдагъэм ыкIи зэхъокIыныгъэу ахэм афэхъугъэхэм экологхэр алъыплъагъэх.

Тыкъэзыуцухьэрэ дунаим изытет ыкIи ар къы­зэрэтыухъумэн фаем афэгъэхьыгъэ докладэу Урысые Федерацием чIыопсымкIэ и Мини­стерствэ къыгъэхьазы­рыгъэм къызэрэщиIорэмкIэ, тишъолъыркIэ анахь къабзэу къыхагъэщыгъэ­хэр Адыгэ Республикэмрэ Къалмыкъымрэ.

УплъэкIунхэр ашIыхэ зэхъум къэлэ 200 якъэ­бзэныгъэкIэ зэрагъэпшагъэх, нэбгырэ мин 90мэ яупчIыгъэх. Къэбзэ­ныгъэм ылъэныкъокIэ ауж къинэхэу Ростов хэ­кум щыщ къэлищ къы­хагъэщыгъ, Астрахань хэкум — 7, Краснодар краимкIэ — 2. Экологхэм къызэраIуагъэмкIэ, Адыгеимрэ Къалмыкъымрэ шапхъэу щыIэхэм аблэкIыхэу чIыопсыр аушIоирэп, джары субъ­ектитIум къащащэрэ жьыр нахь къабзэу зыкIалъытагъэр.

Узымыгъэрэзэрэ чIыпIэхэр тиIэхэми, шъо­лъырхэр зызэрагъапшэ­хэм, Къыблэ федеральнэ шъолъырыр апэ ра­гъэуцуагъ. Нэбгырэ миллион зыдэс къалэхэр шъхьафэу зызэрагъэнэ­къокъухэм апэрэ чIыпIищыр Москва, Краснодар ыкIи Казань аубытыгъэх.