Шапхъэхэр амыукъонхэу къяджагъэх

Адыгеим икIэлэеджакIохэу апэрэ классым кIуагъэхэм къэшъонымкIэ флешмобэу зэхащагъэмкIэ нэфынэр къэзытырэ пкъыгъохэр къэлэдэсхэм ыкIи хьакIэхэм зэрагъэфедэн фаем къыфэджагъэх.

КIэлэеджэкIо цIыкIухэм нэфынэр къэзытырэ кIэко цIыкIухэр ащыгъхэу Мыекъуапэ имэфэкI мафэ къэлэ гупчэм къыщышъуагъэх. Мы Iофтхьабзэм зэкIэмкIи кIэлэеджэкIо нэбгыри 100-м ехъу хэлэжьагъ. Зыныбжь имыкъугъэхэр гъогум техъухьэрэ хъугъэ-шIагъэхэм ащыухъумэгъэнхэ зэрэфаер ары зэхэщакIохэм мурадэу яIагъэр.

Мыщ фэдэ шIыкIэмкIэ кIэлэеджакIохэм къэлэдэсхэм, хьакIэхэм ыкIи общественностым зафагъэзагъ гъогурыкIоным ишапхъэхэр амыукъонхэу, гъогум Iэдэб къыщызхагъэфэнэу.

АР-м и Къэралыгъо автоинспекцие ипресс-къулыкъу