Чъэпыогъум и 13-р – мэкъу-мэщымрэ промышленностымрэ яIофышIэ и Маф

Мэкъу-мэщымрэ промышленностымрэ яIофышIэхэу лъытэныгъэ зыфэтшIыхэрэр!
Шъуисэнэхьат епхыгъэ мэ­фэ­кIым фэшI тышъуфэгушIо!

Мафэ къэс Iоф къинэу жъугъэцакIэрэм пае лъытэныгъэ ин къэжъулэжьыгъ. Шъо шъуиIофшIакIэ бэкIэ елъы­тыгъ цIыфхэм щыIакIэу яIэщтыри, къэралыгъом гъомылапхъэмкIэ изытетыщтыри.

Мэкъу-мэщым сыд фэдэрэ лъэхъани, тиреспубликэ имызакъоу, зэрэхэгъэгоу ящыIэныгъэкIэ стратегическэ мэхьанэ иIэу щыт.

Непэ Адыгеим агропромышленнэ комплексым хэ­хъоныгъэ ышIынымкIэ ыкIи шIуагъэу къытырэм зыкъегъэ­IэтыгъэнымкIэ бэ щызэшIуа­хырэр. Мэкъумэщ продукциер щылъынымкIэ ыкIи переработкэ шIыгъэнымкIэ амалэу щыIэхэр нахьышIу ашIых, былымхъуным зиушъомбгъунымкIэ IофшIэн гъэнэфагъэ зэшIуахы, мэкъумэщ отраслэм нахьыбэу инвестициехэр щыгъэфедэгъэнхэм анаIэ тырагъэты.

ШъуиIэпэIэсэныгъэрэ шъуи­гуетыныгъэрэ яшIуагъэкIэ отраслэр гъэкIэжьыгъэным, продукциеу къахьыжьырэр нахьыбэ хъуным шъуишIо­гъэшхо зэрежъугъэкIыщтым тицыхьэ пытэ телъ.

Ныбджэгъу лъапIэхэр, псауныгъэ пытэ шъуиIэнэу, Iоф­шIэным гъэхъэгъакIэхэр щышъушIынхэу, шIоу щыIэр къыжъудэхъоу шъупсэунэу шъуфэтэIо!

Адыгэ Республикэм и ЛIышъхьэу КъумпIыл Мурат

Адыгэ Республикэм и Къэралыгъо Совет – Хасэм и Тхьаматэу Владимир Нарожный