«Чайкэм» IукIэщт

«Ангушт» Назрань – «Зэкъошныгъ» Мыекъуапэ – 0:1.
Чъэпыогъум и 27-м Назрань щызэдешIагъэх.
Къэлапчъэм Iэгуаор дэзыдзагъэр: Къонэ Амир – 25 (пенальтикIэ).

— Апэрэ едзыгъом тиешIа­кIо­хэм «Ангуштым» икъэлапчъэ Iэ­гуаор дадзэнэу амалышIухэр яIагъэх, — къытиIуагъ «Зэкъошны­гъэм» итренер шъхьаIэу Ешыгоо Сэфэрбый. — «Зэкъошны­гъэр» ыпэкIэ илъыгъэу бысымхэм яешIа­кIохэм ащыщ IэкIэ Iэгуаом зэреуа­гъэм фэшI судьям пе­нальтир ыгъэнэфагъ. Тикомандэ икапитанэу Къонэ Амир хъагъэм Iэгуаор ридзагъ. ТиешIакIохэм сафэраз. Нэбгырэ пэпчъ пшъэ­рылъэу иIэр дэгъоу ыгъэцэкIа­гъэу сэлъытэ.

Чъэпыогъум и 27-м «Къыблэм» хэтхэр зэрешIагъэхэр зэфэтэхьысыжьы.

«Волгарь» — «Спартак» Вл — 1:0, «Краснодар-3» — «Академия» — 3:1, «Спартак» Нщ — «Мэщыкъу» — 2:0, «Урожай» Кр — «Легион» — 1:1, «Черноморец» — «Динамо» — 5:0, «Биолог» — «Чайка» — 0:2.

Купэу «Къыблэм» апэрэ къе­кIокIыгъор щаухыгъ. ЕшIэгъу 14 командэ пэпчъ иIагъ.

ЧIыпIэхэр зэтэгъапшэх

1. «Урожай» — 36
2. «Чайка» — 34
3. «Волгарь» — 30
4. «Черноморец» — 27
5. «Зэкъошныгъ» — 24
6. «Спартак» Нщ – 21
7. «Биолог» — 20
8. «Легион» — 20
9. «Мэщыкъу» — 16
10. СКА – 13
11. «Спартак» Вл – 12
12. «Краснодар-3» — 12
13. «Ангушт» — 10
14. «Динамо» — 8
15. «Академия» — 6

ШэкIогъум и 4-м «Зэкъошныгъэр» «Чайка» Ростов хэку Мые­къуапэ щыIукIэщт. ЕшIэгъур ма­фэм сыхьатыр 3-м Адыгэ рес­пуб­ликэ стадионэу «Зэкъошныгъэм» щаублэщт. «Чайкэм» мы илъэсым зы ешIэгъу нэмыIэми шIуахьыгъэп, арэу щытми, «Зэ­къошныгъэм» хэкIыпIэшIухэр къы­гъотынхэу, тигъэгушIонэу тэгугъэ.