Хэдзынхэм сахэлэжьэщт

— Хэдзынхэм сэри, ахэм ахэлэжьэнэу зыныбжь нэсыгъэу сиунагъо исхэри тызэрахэлэжьэщтым Iо хэлъэп. А мафэр мэфэкI мафэ зыфэтшIыжьынри хабзэ тиунагъокIэ тфэхъугъ. ЦIыфым непэрэ мафэм еплъыкIэу фыриIэр, неущырэ мафэр зэрэхъущтым зэригъэгумэкIырэр къыгъэлъэгъоным пае хэдзынхэм ахэлэжьэн фаеу сэлъытэ. УФ-м и Президент ихэдзынхэр пстэумэ анахь шъхьаIэх. Ар къэралыгъомкIэ мэхьэнэ ин зиIэ хъугъэ-шIагъ. Неущырэ мафэр зыфэдэщтыр а хэдзынхэр ары зэлъытыгъэр. ГущыIэм пае, сэ цIыфхэм япсауныгъэ икъэухъумэн сыпылъ, ащ хэхъоныгъэу ышIыхэрэм сыдигъокIи сагъэгушIо, тапэкIи ащ тетэу лъыкIотэнэу сыфай. Ар нахьыбэу зыIэ илъыр къэралыгъом пащэу иIэр ары. Арышъ, ащ ихэдзынхэм шIокI имыIэу сахэлэжьэщт.