Хэбзэнчъэу Адыгеим щыпсэугъэх

Мыекъопэ къэлэ ыкIи Теуцожь район хьыкумхэм унашъоу ашIыгъэхэм къапкъырыкIыхэзэ, IэкIыбым къикIыгъэхэу хэ­бзэнчъэу тикъэралыгъо щыпсэущтыгъэхэ нэбгырищыр къаубыти, хэушъхьафыкIыгъэ учреждением ащагъэх, ахэр къэ­ралыгъом рагъэкIыжьыщтых.

— Мыщ ыпэкIэ кощын IофымкIэ хэбзэгъэуцугъэр зэраукъуагъэм — Iизын къязытырэ тхылъыр ямыIэу хэбзэнчъэу Адыгэ Республикэм зэрэщы­псэущтыгъэхэм къыхэкIыкIэ Узбекистан щыщ нэбгыритIумэ ыкIи Армением къикIыгъэ зы нэбгырэм административнэ пшъэдэкIыжь атыралъхьагъ, — къеты хьыкум приставхэм я Федеральнэ къулыкъу и ГъэIорышIапIэу Адыгэ Республикэм щыIэм.

Бэдзэогъум и 7-м хьыкум приставхэм Iофтхьабзэу зэрахьагъэхэм къахэкIэу IэкIыбым къикIыгъэхэу Мыекъуапэ хэбзэнчъэу щыпсэущтыгъэхэр Краснодар краим ит хэу­шъхьафыкIыгъэ учреждением аща­гъэх, охътэ благъэм ахэр УФ-м рагъэкIыжьыщтых, къыздикIыгъэ чIыпIэхэм агъэкIо­жьыщтых.