Хьэсанэкъо Мурат фэгъэхьыгъ

Дунаим самбэмкIэ гъо­гогъу 11 апэрэ чIыпIэр ­къыщыдэзыхыгъэу, ­Къэралыгъо Думэм ­идепутатэу Хьасанэкъо Мурат фэгъэхьыгъэ зэнэкъокъур непэ Мые­къуапэ щыкIощт.

— Илъэс 19-м нэс зыныбжьхэр спорт Унэшхоу «Ошъутенэм» щызэбэныщтых, — къытиIуагъ Адыгэ Республикэм самбэмкIэ иеджапIэ ипащэу Делэкъо Адамэ. — Москва, Санкт-Петербург, Нижний Новгород, Къыблэм, Темыр Кавказым яныбжьыкIэхэр зэнэкъокъущтых.

ЗэIукIэгъухэр пчэдыжьым сы­хьатыр 10-м аублэщтых, пчыхьэм сыхьатыр 5-м зэнэкъокъур игъэ­кIотыгъэу къызэIуахыщт. Хагъэ­унэфыкIырэ чIыпIэхэр къыдэзыхыщтхэр зэIукIэщтых.

Дунаим, Европэм, Урысыем дышъэ медальхэр къащыдэзыхыгъэхэ ЛIышэ Хьарун, Къэрэжъые Рэмэзан, ЦIыкIу Рэмэзан, Вардкез Акопян, нэмыкI бэнакIохэри зэIукIэгъухэм ахэлэжьэщтых. Спортым пыщагъэхэр зэхэща­кIохэм рагъэблагъэх.