Фэхьазырэп

«АГУ-Адыиф» Мыекъуапэ — «Лада» Тольятти – 19:35 (6:18).
Тыгъэгъазэм и 24-м спорт Унэшхоу Кобл Якъубэ ыцIэ зыхьырэм щызэдешIагъэх.
Зезыщагъэхэр: Анастасия Герасимова, Дарья Герасимова.

«АГУ-Адыиф»: къэлэпчъэIутхэр: Кожубекова, Баскакова; ешIакIохэр: Ефимкина — 3, Клименко, Морозова — 3,
Дмитриева, Дьяченко — 2, Кобл, Серадская — 1, Краснокутская — 2, Кучеренко — 1, Куце­валова — 2, Загайко, Ко­жу­бекова.

«Ладэм» ухъумэн Iофыгъохэр дэгъоу егъэцакIэх, псынкIэу ыпэ­кIэ илъызэ къэлапчъэм Iэ­гуаор бэрэ дедзэ. «Адыифыр» ащ фэдэ командэ лъэшэу опыт ин зиIэхэ ешIакIохэр зыхэтым текIоным непэ фэхьазырэп. Тренер шъхьаIэу Никита Голуб къыти-Iуагъ 2020-рэ илъэсым «Адыифыр» нахьышIоу зэрешIэщтыр.

2020-рэ илъэсым щылэ мазэм и 9-м «Адыифыр» «Ростов-Доным» Мыекъуапэ щыIукIэщт.

Сурэтым итхэр: «Адыифыр» «Ладэм» дешIэ.