Фестивалым зыкъыщагъэлъэгъуагъ

КIэлэцIыкIу творчествэм и Гупчэу ТIуапсэ дэтым Уры­сы­ем щыпсэухэрэ лъэпкъхэм языкIыныгъэ фэгъэхьыгъэу лъэпкъ культурэхэм яфестиваль щыкIуагъ.

Ащ районым ипсэупIэ зэфэшъхьафхэм къа­ры­кIыгъэхэ кIэлэцIыкIу творческэ коллективхэр хэлэжьагъэх. Адыгэхэм, урысхэм, ермэлхэм ыкIи къэзэкъхэм якультурнэ кIэн ибаиныгъэ игъэкIо­­тыгъэу къагъэлъэгъуагъ.

Хэти къызхэкIыгъэ лъэпкъ­хэм яорэдхэр, якъа­шъохэр, язэхэтыкIэхэр, яхабзэхэр ыкIи ялъэпкъ щыгъынхэр зыфэдэхэр сценэм къыщагъэлъэ­­гъуа­гъэх. Лъэпкъ шхынхэр къызэрахьылIэгъэ зэнэ­къокъум цIыфхэр рагъэ­благъэщтыгъэх, шхынхэм ахагъаIэщтыгъэх. КIэлэцIыкIухэм аIэкIэ ашIыгъэ пкъыгъохэм, сурэтхэм ара­гъэплъыгъэх. Псэу­пIэ­хэу Псыбэ, Агуй-Ша­псыгъэ къарыкIыгъэхэ ныбжьыкIэхэм номинацие зэфэшъхьафхэмкIэ фестивалым идипломхэр аратыгъэх.

Ныбэ Анзор.