ТымыукIытэу тыхэжъугъэлажь гупсэфыщтыгъ

СПИД-м пэуцужьыгъэнымкIэ Адыгэ респуб­ликэ Гупчэм Iофтхьабзэу «Стоп ВИЧ/СПИД» зыфиIорэр зэхи­щагъ. ШэкIогъум и 25-м къыщегъэжьагъэу тыгъэгъазэм и 10-м нэс ар Адыгеим щыкIощт.

Пшъэрылъ шъхьаIэу ащ иIэр а узхэр зиIэхэр нахь пасэу къыхэгъэщыгъэнхэр, игъом IэпыIэгъу афэхъугъэныр ары. 2019-рэ илъэсым пыкIыгъэ мэзи 9-м къыкIоцI ВИЧ-р къызха­гъэщыгъэхэм япчъагъэ проценти 8,9-кIэ нахьыбэ хъугъэ. Ар гумэкIыгъошхоу щыт.

Iофтхьабзэм хэлажьэ зышIоигъохэр АР-м СПИД-м пэуцу­жьыгъэнымкIэ и Гупчэ ыкIи поликлиникэу цIыфыр зэпхы­гъэм екIолIэнхэшъ, лъы ащатын алъэ­кIыщт. Къыхэгъэщыгъэн фае тестирование зыкIухэрэм ацIэ къаIоныр зэримыщыкIагъэр. УпчIэ зиIэхэр «цыхьэшIэгъу телефонэу» 8 (8772)52-10-51-м теонхэ алъэкIыщт.

АР-м псауныгъэр къэухъумэгъэнымкIэ и Министерствэ рес­публикэм щыпсэухэрэ цIыфхэм къяджэ мы Iофтхьабзэм хэлэжьэнхэу. Псауныгъэм узэрэ­фэсакъын фаер, узыр игъом къыхэбгъэщымэ нахь еIэзэгъошIу зэрэхъурэр къыхагъэщы.
(Тикорр.).