Типсауныгъэ тылъыплъэным фэIорышIэ

Жъэгъэузым пэшIуекIогъэнымкIэ Адыгэ республикэ клиническэ диспансерым зэхищэгъэ Iофтхьабзэу «Белая ромашка» зыфиIорэр гъэтхапэм и 21-м сыхьатыр 11-м къыще­гъэжьагъэу 14-м нэс Лениным ыцIэ зы­хьырэ площадым щыкIощт.

Iофтхьабзэм къыдыхэ­лъытагъэу фэе пстэуми флюорографиер мыщ ща­кIун алъэкIыщт. Пшъэрылъ шъхьаIэр жъэ­гъэузым гу­мэкIыгъоу къызыдихьын ылъэкIыщтхэр цIыфхэм алъагъэIэсыныр, япсау­ны­гъэ изытет нахь лъы­плъэнхэр, флюорографие акIузэ ашIыным фэ­щэ­гъэнхэр ары. Илъэс къэс цIыфхэм флюорогра­фие акIун фае. Хэти зыщы­псэурэ чIыпIэм епхыгъэ поликлиникэм, район сымэджэщхэм, жъэгъэ­узым пэшIуекIогъэнымкIэ ­адыгэ республикэ клиническэ диспансерым ар ащакIун алъэкIыщт.

Фэе пстэури гъэтхапэм и 21-м Лениным ыцIэ зы­хьырэ площадым къэ­кIон­хэ, ыпкIэ хэмылъэу флюоро­графие ашIын алъэ­кIыщт.

Гъонэжьыкъо Сэтэнай.