ТекIоныгъэм зыфэгъэхьазыр, «Адыиф!»

«Ставрополье» Ставрополь — «АГУ-Адыиф» Мыекъуапэ — 33:30 (15:15).
Тыгъэгъазэм и 22-м Ставрополь щызэдешIагъэх.

Я 51-рэ такъикъым нэс «Ставропольем» тиешIакIохэр текIощтыгъэх, IэгоуищкIэ ыпэ итхэу уахътэ къыхэкIыгъ. КIэухым метри 7 хъурэ тазыр дзыгъохэр типшъашъэхэм гъогогъуитIо загъэцакIэм, хъагъэм Iэгуаор радзэн алъэкIыгъэп. ТиухъумакIохэри хэу­къохэу, зэхэщэн Iофыгъохэр дэеу агъэца­кIэхэу аублагъ. «Ставропольем» тикомандэ щыкIагъэу фэхъухэрэр ыгъэфедагъэх, тикъэлапчъэ Iэгуаор зэкIэлъыкIоу заулэрэ къыдидзи, текIоныгъэр къыдихыгъ.

— Ксения Дьяченкэм ылъакъо шъобж къызытыращэм «Адыифым» иешIакIэ къе­Iыхыгъ, — къытиIуагъ тренер шъхьаIэу Алек­сандр Реввэ. КIэухым зэIукIэгъур фэ­кIуагъэу хэукъоныгъэ бащэ тиешIакIохэм ашIыгъ, ар лъэшэу къытэгоуагъ.

К. Дьяченкэр, А. Дворцеваяр, А. За­гайко, О. Зубовар тиешIакIохэм яIэпэ­IэсэныгъэкIэ къахэщыгъэх, къэлапчъэм бэрэ Iэгуаор дадзагъ, ау текIоныгъэр бысымхэм тшIуахьыгъ.

«Адыифым» мы илъэс ешIэгъум те­кIоныгъэр зыкIи къыщыдихыгъэп, ауж къинэхэрэм ащыщ. 2019-рэ илъэсым щылэ мазэм и 10-м «Адыифыр» Ростов-на-Дону щешIэщт, и 14-м «Уни­верситет» Ижевск Мыекъуапэ тыщыIу­кIэщт.

«Адыифым» къэлапчъэм Iэгуаор бэрэ дедзэ, ау ухъумэн Iофыгъохэр ­икъоу фэгъэцакIэхэрэп. ЕшIэгъу бащэ шIуа­хьыгъэшъ, текIоныгъэр къыдихыным фэмыхьазырэу къэлъагъо.