Студентхэм язэIукIэгъухэр

Къыблэм ыкIи Темыр Кавказым ястудентхэм волейболымкIэ язэнэкъокъу Махачкала щыкIуагъ. Адыгэ Республикэм испортсменхэр зэIукIэгъухэм ахэлэжьагъэх.

Мыекъуапэ ихъулъфыгъэ коман­дэу «Динамо-МГТУ-р» 3:0-у Краснодар, Налщык якомандэхэм атекIуагъ. Махачкала иешIа­кIохэр 3:1-у Адыгеим икомандэ къытекIуагъэх.

Апэрэ чIыпIэр Махачкала ыхьыгъ, ятIонэрэр Мыекъуапэ къыфагъэшъошагъ. Типшъашъэ-хэм ящэнэрэ чIыпIэр къыдахыгъ. Дагъыстан иешIакIохэм апэ­рэ чIыпIэр ахьыгъ.

ШэкIогъум и 17 — 18-м «Динамо-МГТУ-р» Урысыем изэнэ­къокъу хэлэжьэщт. «Кристалл» Воронеж Мыекъуапэ къэкIощт. ЗэIукIэгъухэр спорт Унэшхоу «Ошъутенэм» щыкIощтых, пчы­хьэм сыхьатыр 5-м ыкIи 6-м аублэщтых.

— «Динамо-МГТУ-р» ящэ­нэрэ чIыпIэм щыI, — къытиIуагъ тренер шъхьаIэу, Адыгеим изаслуженнэ тренерэу Павел Зборовскэм. — Махачкала щыкIо­гъэ зэIукIэгъухэм Ни-кита Турсковыр чанэу ахэлэ­жьагъ. «ЕшIэкIо анахь дэгъу» зыфиIорэ щытхъуцIэр къыфагъэшъошагъ. Волейболыр зышIогъэшIэгъонхэр зэIукIэгъухэм яплъын­хэу къетэгъэблагъэх.