Пцэжъыяшэхэм язэIукIэгъухэр

Адыгэ Республикэм и ЛIышъхьэ и Кубок къыдэхыгъэным фэгъэхьыгъэ зэнэкъокъу пцэжъыяшэхэм яIагъ.

Джэджэ районым ипсэупIэу Сергиевскэм пэмычыжьэу щыт псыутIэм зэнэкъокъур щыкIуагъ. Командэ 57-рэ, нэбгыри 114-рэ зэIукIэгъухэм ахэлэжьагъэх.

Республикэм и ГИБДД икъулыкъушIэхэм пцэжъые килограмми 10-м нахьыбэ пцэкъэнтфыкIэ къаубытыгъ, апэрэ чIыпIэр афагъэшъо­шагъ. Мыекъопэ районым икомандэ килограмми 7 къыхихыгъ, ятIонэрэ чIыпIэр ыхьыгъ. Мыекъопэ районыр ящэнэрэ хъугъэ, килограмми 6 зэкIэмкIи къаубытыгъэр.

Пцэжъыер псым къызэрэхахырэм дакIоу, Кубокым икъыдэхын хэлэжьагъэхэм языгъэпсэфыгъо уахътэ гъэшIэгъонэу агъэкIуагъ.