Псауныгъэр щагъэпытэ

Мыекъопэ къэралыгъо гуманитар-техническэ колледжым щеджэ­хэ­рэм ГТО-м ишапхъэхэр игъэкъугъэнхэмкIэ зэнэкъокъухэр яIагъэх.

ЕджэкIуи 100-м нахьыбэ ГТО-м ишап­хъэхэр игъэкъугъэнхэм ахэлэжьагъ. Едзыгъуи 9-мэ яIэпэIэсэныгъэ къащызыгъэлъэгъуагъэхэр атлетикэ псынкIэм, гимнасти-
кэм, нэмыкIхэм ащызэнэкъокъугъэх.

Студентхэр къэчъагъэх, турникым зыща­­Iэтыгъ, къэлъагъэх, есыгъэх, Iэпкъ-лъэпкъ­хэр зыгъэпытэхэрэ едзыгъохэр къашIыгъэх.

Адыгэ Республикэм физкультурэмкIэ ыкIи спортымкIэ и Комитет иIофышIэу Елена Ткаченкэм зэрилъытэрэмкIэ, еджакIохэм спорт лъэпкъ зэфэшъхьафхэм зафагъасэзэ гъэхъагъэхэр ашIых, япсауныгъэ агъэпытэ.

ГТО-м ишапхъэхэр нэбгырэ 42-мэ рагъэ­къугъ. Дышъэ тамыгъэм ишапхъэхэр нэбгыри 8-мэ рагъэкъугъ. Тыжьын тамыгъэхэр еджэкIо 26-мэ афагъэшъошагъэх, джэрзыр нэбгыри 8-мэ къыдахыгъ.

IофшIэным, хэгъэгум икъэухъумэн ныбжьыкIэхэр афэгъэсэгъэнхэм фэшI псауныгъэ пытэ яIэн фае. ГТО-м ишапхъэхэр изыгъэ­къухэрэр спорт лъэпкъ зэфэшъхьафхэм апыщагъэх. Спортышхом зэкIэри цIэрыIо щымыхъущтми, щыIэныгъэм зыкъыщагъотынымкIэ ГТО-р IэпыIэгъу афэхъущт.

Сурэтым итхэр: ГТО-м ишапхъэхэр рагъэкъух.