Пресс-зэIукIэ яIагъ

Урысые Федерацием и Коммунистическэ партие икъутамэу Адыгэ Республикэм щыIэм икомитет тыгъуасэ пресс-зэIукIэ щыкIуагъ.

КПРФ-м игупчэ комитет итхьаматэу Геннадий Зюгановымрэ бизнесым пыщэгъэ Олег Дерипаскэрэ зэрэзэпэуцугъэхэм цIыф къызэрыкIохэр бэшIагъэу тегущыIэх. Хьыкумым Iофыр нэсыгъэшъ, нахь зафэр къэнэфэщтэу тэгугъэ.

Партием и Адыгэ республикэ комитет иапэрэ секретарэу Евгений Саловым О. Дерипаскэ изекIуакIэхэр ыумысыгъэх. Приватизациер 1990-рэ илъэсхэм Урысыем зэрэщыкIуагъэм хэгъэгум зэрарыбэ къыфихьыгъэу ылъытагъ.

Мыекъуапэ инароднэ депутатхэм я Совет идепутатхэу, общественнэ Iофыгъохэм ахэлажьэхэрэ Николай Юрьевым, Марина Ситниковам, нэмыкIхэу къэгущыIагъэхэм Е. Саловым дырагъэштагъ. Журналистхэм яупчIэхэм зэхэщакIохэм джэуап­хэр къаратыжьыгъэх.

Сахьидэкъо Нурбый.