Предпринимательхэм апай

Лъэпкъ проектэу «Предпринимательствэ цIыкIумрэ гурытымрэ ыкIи унэе предпринимательскэ гухэлъым IэпыIэгъу афэхъугъэныр» зыфиIорэм епхыгъэ Iофтхьабзэхэм ягъэцэкIэн къыдыхэлъытагъэу гуп­чэу «Сибизнес» ыкIи «LIKE Центр Майкоп» зыфиIохэрэр кIэщакIо зыфэхъугъэхэ гъэ­сэныгъэмкIэ курсэу «Скорость: практический курс по запуску прибыльного дела» зыцIэр щыIэныгъэм щыпхы­ращынэу рагъэжьагъ.
— Мы курсым ишIуагъэкIэ Адыгеим Iоф щызышIэрэ предпринимательхэм ыкIи цIыфхэм бизнесым изэхэщэнкIэ IэпыIэгъоу арагъэгъотын алъэкIыщтыр, ащ къыдыхэлъытэгъэ лъэныкъо шъхьаIэхэр агура­гъэIощт, — къыщаIуагъ Адыге­им экономикэ хэхъоныгъэмкIэ ыкIи сатыумкIэ и Министерствэ.
Лъэпкъ проектым игъэцэ­кIэн къыдыхэлъытэгъэ Iофтхьа­бзэхэм язэхэщэн профильнэ ведомствэр къыхэлэжьэщт, джащ фэдэу Урысыем экономикэ хэхъоныгъэмкIэ и Минис­терствэ IэпыIэгъу къафэхъущт.