О. Кононовым «Спартак» егъэгугъэ

Хэгъэгум футболымкIэ изэнэкъокъу хэлэжьэрэ командэхэу апшъэрэ купым хэтхэм я 14-рэ ешIэ­гъухэр яIагъэх. ЗэIукIэгъухэм ащыщхэм тызэмыжэгъэ кIэуххэр афэхъугъэх.

ЕшIэгъухэр

«Арсенал» — «Анжи» — 2:0, «Урал» — «Оренбург» — 2:1, «Крылья Советов» — «Ахмат» — 1:2, «Ростов» — «Динамо» — 0:0, «Уфа» — «Спартак» — 2:0, «Краснодар» — «Енисей» — 3:0, «Рубин» — «Локомотив» — 0:0, ЦСКА — «Зенит» — 2:0.

«Спартак» къыфэгумэкIыхэрэр ыгъэгушIуагъэхэп. Испанием щыщэу Рауль Рианчо охътэ хэхыгъэм тренер шъхьаIэу «Спартак» иIагъ. ЕшIэгъуи 4-м ыуж игъэхъагъэхэм ялъытыгъэу ащ зэзэгъыныгъэ къыдашIынэу щытыгъ, ау командэр ыпэкIэ лъыкIотагъэп. «Спартак» Москва итренер шъхьаIэу Олег Кононовыр агъэнэфагъ, ар «Арсеналым» ипэщагъ. 2018 — 2019-рэ илъэс ешIэгъур аухыфэ IэнатIэм Iутыщт. IофшIакIэу къыгъэлъэгъуагъэр къыдалъытэнышъ, тренер шъхьаIэу къагъэнэжьыщтмэ клубым иIэ­шъхьэтетхэм къаIощт.

ЦСКА-р «Зенит» 2:0-у зэрэтекIуагъэм къеушыхьаты Виктор Гончаренкэр тренер IэпэIасэу зэрэщытыр. Командэм футболист цIэрыIохэр ымыщэфыхэу амалы­шIухэр къегъотых. Клубым щагъэ­сэгъэ ешIакIохэм щысэшIу къа­гъэлъагъо. Ф. Чаловым зэкIэми анахьыбэрэ къэлапчъэм Iэгуаор дидзагъ.

«Краснодар» медальхэм афэбанэ. Дунэе шапхъэхэм адиштэу стадион къалэм щагъэпсыгъ, командэм ешIэкIэ дахэ къегъэлъагъо.

Зэтэгъапшэх

1. «Зенит» — 31
2. «Краснодар» — 26
3. «Локомотив» — 25
4. «Ростов» — 23
5. ЦСКА – 23
6. «Рубин» — 20
7. «Урал» — 19
8. «Ахмат» — 19
9. «Спартак» — 19
10. «Оренбург» — 19
11. «Арсенал» — 17
12. «Динамо» — 16
13. «Крылья Советов» — 14
14. «Уфа» — 14
15. «Анжи» — 13
16. «Енисей» — 6.

Я 15-рэ зэIукIэгъухэр

23.11
«Ахмат» — ЦСКА
«Локомотив» — «Урал»
24.11
«Динамо» — «Енисей»
«Оренбург» — «Уфа»
«Анжи» — «Рубин»
25.11
«Спартак» — «Крылья Советов»
«Краснодар» — «Арсенал»
«Зенит» — «Ростов».