НэкIыр зыIыгъхэр рагъэблагъэх

Адыгеим ыкIи Краснодар краим ащыпсэурэ быслъымэнхэм я Диндэ­лэжьапIэ пэ­шIорыгъэшъэу къызэритырэмкIэ, Бирамыр мэкъуогъум и 15-м тефэ. МэфэкIым изыфэгъэхьазырын рагъэжьэгъ. Ар къэмысызэ, мэкъуогъум и 9-м пчыхьэм АР-м и ЛIышъхьэ цIыфэу нэкIыр зыIыгъхэр хагъэIэжьынхэм кIэщакIо фэхъугъ. Зэкъошыныгъэм иплощадэу Мые­къуапэ и Гупчэ мэщыт дэжь щыIэм пчыхьэм сыхьатыр 8.00-м зэкIэ зынэкIыхэрэр къырагъэб­лагъэх.