Нэбгырэ 300-м ехъу хэлэжьагъ

Я 6-у мы илъэсым Урысыем «Тотальнэ дик­тант» щатхыгъ. Ащ илъэс къэс нэбгырэ мин пчъагъэ хэлажьэ.

Iофтхьабзэм Адыгеири хэлэжьагъ. Нэбгырэ 319-мэ яшIэныгъэхэр ауплъэкIугъэх. Iоф­тхьабзэр сатыушIыпIэ гупчэу «Мега-Адыгея» зыфиIорэм зэ­рэщыкIуагъэм къыхэкIэу Адыге­им имызакъоу, Краснодар щы­псэухэрэми мы чIыпIэм дик­тантыр щатхыгъ.

Диктантым итхын зы чIыпIэп Адыгеим зыщызэхащагъэр. А Iофтхьабзэм хэлэжьагъэх Мые­къуапи Адыгэкъали ащыпсэу­хэрэм ащыщхэр. Ау анахьыбэу зыщатхыгъэр сатыушI гупчэу «Мегэр» ары. Ар волонтерхэм яшIушIагъ. Ахэр пшIы пчъагъэ хъухэу Тэхъутэмыкъое районым, Адыгэкъалэ къарыкIыгъагъэх.

Сихъу Гощнагъу.