Нэбгырэ 19933-мэ къараты

IофшIапIэм Iумытыжьхэ пенсионерхэу узэрыпсэун плъэкIыщт ахъщэ анахь макIэу субъектым щагъэнэфагъэм зипенсие нэмысхэрэм федеральнэ со­циальнэ ахъщэ тедзэ къараты.

Ащ фэдэу Адыгеим исыр нэбгырэ 19933-рэ мэхъу. Федеральнэ социальнэ ахъщэ те­дзэр, гурытымкIэ лъытагъэу, сомэ 1753-м ехъу. Адыгеим узэрыпсэун плъэкIыщт ахъщэ анахь макIэу щагъэнэфагъэр сомэ 8138-рэ.

Къэралыгъо социальнэ IэпыIэгъум ыкIи узэрыпсэун плъэ­кIыщт ахъщэ анахь макIэм афэ­гъэхьыгъэ федеральнэ хэ­бзэгъэуцугъэ­хэм зэхъокIыныгъэу мы илъэ­сым имэлылъфэгъу мазэ афа­шIыгъэхэм ахъщэ анахь макIэм пенсиер кIэхьаным пае ахъщэ тедзэу хагъа­хъорэр къызэрэ­лъытэгъэщтыр нэмыкIэу щыгъэ­нэфагъ. НахьыпэкIэ пенсием къыхахъоу, ­ахъщэ анахь макIэу узэрыпсэущтэу субъектым щагъэнэфагъэм ар зекIуалIэкIэ, социальнэ ахъщэ тедзэм хэкIыщтыгъ. Джы ин­дек­сацие ашIэу, пенсием къызыхахъокIэ, ар ахъщэ анахь макIэу узэрыпсэущтым нагъэсышъ, ахъ­­щэ тедзэр ащ къытырагъахъо.

Федеральнэ социальнэ ахъщэ тедзэр къыуатыным фэгъэ­хьыгъэ лъэIу тхылъыр пенсиер пфа­гъэпсыным пае птхыгъэм игъусэу яптын плъэкIыщт. Уахътэ тешIэмэ икIэрыкIэу ар япты­жьын ищыкIагъэп.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу