Ныбджэгъу ешIэгъухэр

 «Зэкъошныгъ» Мыекъуапэ — «Афон» Абхъаз Республикэр — 2:1.

ТиешIакIохэу къэлапчъэм Iэгуаор дэзыдзагъэхэр: Ахмедханов — 60, Къонэ — 82.

ТелефонкIэ къатыгъ. Мыекъопэ футбол командэу «Зэкъошныгъэм» 2017 — 2018-рэ илъэс ешIэгъум гъэтхэпэ мазэм и 10-м пидзэжьыщт. Мы уахътэм Шъачэ щыIэу егъэджэн-зэIукIэгъухэм ахэлажьэ. Мэзаем и 11-м ныбджэгъу ешIэгъу иIагъ.

«Зэкъошныгъ»: Диголаев, Ахмедханов, Невидимый, Березов, Шаюнов, Негода, Iащэ, Къонэ, Дыхъу, Къэжар, Крылов.

ЗэIукIэгъум иятIонэрэ кIэлъэныкъо ешIапIэм къихьагъэх Осмоловскэр, Къадыир, Смыр, Делэкъор.

Футбол клубэу «Зэкъошныгъэм» ипащэу Аулъэ Рэщыдэ къызэрэтиIуагъэу, тренер шъхьаIэу Ешыгоо Сэфэрбый ешIакIохэм яIэпэIэсэныгъэ зэрэхагъахъорэм лъэплъэ. Абхъазым икомандэ «Зэкъошныгъэр» зыIокIэм, текIоныгъэм ишъыпкъэу фэбэнагъ. ЗэIукIэгъур аублэгъэ къодыеу тиешIакIохэр бэрэ апэкIэ илъыщтыгъэх, ау къэлапчъэм Iэгуаор апэу дэзыдзагъэхэр Абхъазым къикIыгъэхэр ары.

Р. Аулъэм анахьэу ынаIэ зытыридзагъэр тиешIакIохэм гуетыныгъэ ин зэрахэлъыр ары. ТекIоныгъэм дакIоу ешIэкIэшIум зэрэлъыхъухэрэр къагъэлъэгъуагъ.

Щылэ мазэм и 13-м «Зэкъошныгъэр» «Волгарь» Астрахань, и 16-м командэу «Муромым», и 18-м «Спартак-2-м» адешIэнэу зегъэхьазыры.

ЕМТIЫЛЪ Нурбый