«Налмэсыр» якIас, къежэх

Къырым Урысыем къы-зэрэхэхьажьыгъэм тегъэгушхо. Адыгэ Республикэм и Къэралыгъо академическэ къэшъокIо ансамблэу «Налмэсым» иконцерт Симферополь щыкIуагъ.

«Налмэсым» ихудожественнэ пащэу, Адыгэ Республикэм ина­род­нэ артистэу, Пшызэ изаслу­женнэ артистэу Хъоджэе Аслъан тизэдэгущыIэгъу къызэрэщыхи-гъэ­щыгъэу, Къырым щыпсэурэ лъэпкъхэм искусствэр ашIогъэшIэ­гъон. Къалэхэм, псэупIэ цIыкIухэм къа­рыкIыгъэхэр концертым ягуа­пэу еплъыгъэх.

Къырым иансамблэхэр Адыгэ Республикэм щыIагъэх, ятворчествэ къагъэлъэгъуагъ. Искусствэм иIофышIэхэр зэлъыкIохэзэ, лъэпкъхэр нахьышIоу зэрэшIэх.

«Налмэсым» икъашъохэр, ишъуа­шэхэр дахэх. Адыгэхэм яшэн-хабзэхэр, тарихъ гъогоу къакIугъэр искусствэм ыбзэкIэ артистхэм къаIуатэ. Къашъохэу «ЗэфакIор», «Адыгэ уджхэр», зэкъошныгъэм игъэпытэн фэгъэ­хьыгъэхэр, нэмыкIхэри гум лъэ­Iэсых.

— Севастополь концерт къыщыттынэу тырагъэблэгъагъ, — тизэдэгущыIэгъу къыхэлажьэ «Налмэсым» идиректор шъхьаIэу, Урысыем изаслуженнэ артистэу, Адыгеим инароднэ артистэу Бастэ Азмэт. — Къырым къы­щыткIэупчIэх, тикъашъохэр якIа­сэх.

— Бзылъфыгъэхэм я Дунэе мафэ фэгъэхьыгъэ концерт гъэтхапэм и 6-м Москва къыщыттыщт, — къеIуатэ Хъоджэе Аслъан. — ТинэIуасэхэр, адыгэ искусствэр зышIогъэшIэгъонхэу Москва дэсхэр телефонкIэ къыт­фытеох, тиконцерт къежэх.