«Налмэсыр» ягунэс

Адыгэ Республи-кэм и Къэралыгъо академическэ къэ-шъокIо ансамблэу «Налмэсым»  къа-лэу Керчь концерт къыщитыгъ.

dsc_0559— «Налмэсыр» илъэс 80, Адыгэ Республикэр илъэс 25-рэ зэрэхъугъэ­хэм, лъэпкъ зэпхыны­гъэхэм афэгъэхьыгъэ пчыхьэ­зэхахьэр бысымхэм, хьакIэу къалэм къэкIуагъэхэм ашIогъэшIэгъо­ныгъ, — къытиIуагъ Адыгэ Республикэм инароднэ артистэу, Пшызэ изаслуженнэ артистэу Хъоджэе Аслъан. — Къырым ищыIэкIэ-псэукIэ зыпкъ иуцожьыгъэгоп, цIыфхэм гумэкIыгъохэр яIэх. Арэу щытми, лъэпкъхэм языкIыныгъэ лъэпсакIэхэр егъэшIыгъэнхэм, искусствэм цIыфхэр пыщэгъэнхэм пылъых.

Лъэпкъ къашъохэу «ЗэфакIор», «Адыгэ уджхэр», «Зыгъэ­лъатэр», нэмыкIхэри концертым еплъыгъэхэм агу рихьыгъэх.

— 2017-рэ ИлъэсыкIэм ипэгъокIэу кIэлэеджакIохэм апае концертхэр зэхэтщэщтых, — къеIуатэ «Налмэсым» идиректор шъхьаIэу, Урысыем изаслуженнэ артистэу, Адыгеим инароднэ артистэу Бастэ Азмэт. — Мыгъэ IофшIагъэу  тиIэр зэфэтхьысыжьыщт,  тимурадхэм тафэкIощт.

Сахьидэкъо Нурбый.