«Налмэсыр» Абхъазым къыщэшъо

Адыгэ Республикэм и Къэралыгъо академическэ къэшъокIо ансамблэу «Налмэсыр» Абхъазым щыI. Къош республикэм къыщитырэ концертхэм цIыфыбэ яплъы.

— Къалэу Ткуарчал щызэхэтщэгъэ пчыхьэзэхахьэр шIушIэ концертэу щыт, — къыIуагъ «Налмэсым» ихудожественнэ пащэу, Адыгэ Республикэм инароднэ артистэу, Пшызэ изаслуженнэ артистэу Хъо­джэе Аслъан. – ЛIыхъужъ къалэу Ткуарчал, Очамчири, Гудаутэ, Сыхъум типчыхьэзэхахьэхэр ащыкIощтых.

«Налмэсыр» Абхъазым ежьэным ыпэкIэ ансамблэм ипащэхэм, артистхэм гущыIэгъу тафэхъугъ. Сыхъум щыIэхэу Хъоджэе Ас­лъан телефонкIэ тыфытеуагъ. Искусствэм зэфищэгъэ лъэпкъхэм язэфыщытыкIэхэр щыIэныгъэм щэпытэх, — къытиIуагъ Адыгэ Республикэм культурэмкIэ и Министерствэ иотдел ипащэу, Адыгеим культурэмкIэ изаслуженнэ IофышIэу Шэуджэн Бэлэ. — Культурэм иамалхэр дгъэфедэхэзэ, тапэкIи тызэлъыкIощт, тизэпхыныгъэхэр дгъэпытэщтых.