Назрань зыщауплъэкIущт

Урысые Федерацием дзюдомкIэ изэнэкъокъу Iоныгъо мазэм и 5 – 9-м Назрань щыкIощт.

Адыгэ Республикэм дзюдомкIэ ихэшыпыкIыгъэ командэ бэнэкIо 16 хэтэу зэIукIэгъухэм ахэлэ­жьэщт. Ульяна Ткаченкэр, КIэлэбый Рузанэ, Дарья Ищенкэр бзылъфыгъэхэм якуп хэтхэу яIэпэIэсэныгъэ къагъэлъэгъощт.

ПашIо Алый, Къуижъ Бислъанэ, Еутых Рэмэзанэ, ШъэоцIыкIу Айдэмыр, Ордэн Заур, Ингъуш Владимир, Хьакурынэ Хьазрэт, Мэлыщэ Ахьмэд, Мерэм Дамир, Дэхъу Азэмат, Ордэн Андзаур, Тулпэрэ Айдэмыр, Датхъужъ Алый яонтэгъугъэхэм ялъытыгъэу алырэ­гъум щыбэнэнхэу загъэхьазыры.

Тренерхэу Нэпсэу Бислъанрэ Хьакурынэ Дамиррэ дзюдомкIэ бэнакIохэм хэушъхьафыкIыгъэу Iоф адашIэщт. Джони Липаридзе ыкIи Роман Оробцовыр зэнэ­къокъум исудьяхэм ахагъэхьа­гъэх.

— 2020-рэ илъэсым Олимпиадэ джэгунхэр Токио щыкIощтых, — къытиIуагъ Адыгэ Республикэм дзюдомкIэ ихэшыпыкIыгъэ командэ пэщэныгъэ дызезыхьэрэ Бастэ Сэлым. – Олимпиадэм хэлэжьэщтхэм якъыхэхын зэхэщакIохэр пылъых. Тиреспубликэ ибэнакIохэу Кобл Якъубэ лъапсэ зыфишIыгъэ спорт еджапIэм щагъасэхэрэм аужырэ уплъэкIунхэм IэпэIэсэныгъэу къащагъэлъагъорэм елъы­тыгъэр бэ.