«Мэщыкъом» непэ дешIэщт

«Зэкъошныгъ» Мыекъуапэ — «Урожай» Краснодар — 2:3.
Мэлылъфэгъум и 27-м Мыекъуапэ щызэдешIагъэх.
«Зэкъошныгъ»: Гиголаев, Ахмедханов, Ещенко, Кадимов, Къонэ, Кирьян, Мамонов, Катаев, Домшинский (Iащэ, 82), Черов, Юрченко (Делэкъу, 68).
«Зэкъошныгъэм» хэтхэу къэлапчъэм Iэгуаор дэзыдзагъэхэр: Ахмедханов — 9, Къонэ — 63 (пенальтикIэ).

«Зэкъошныгъэр» ыпэкIэ ­илъыгъ. Гупчэм ащыпхырыкIи, Ризван Ах­медхановыр къэлапчъэу метрэ 16-м нахьыбэкIэ зыпэчыжьэм дауи, хъагъэм Iэгуаор ридзагъ. «Урожаир» пчъагъэм емызэгъэу бэрэ ыпэкIэ къылъыкIуатэщтыгъ, къэлапчъэм ешIакIохэр пэчы­жьэ­хэу гъогогъуитIо Iэгуаор да­дзагъ. «Зэкъошныгъэм» икапитанэу Къо­нэ Амир пенальтикIэ пчъа­гъэр зэфэдиз зешIым, зэ­IукIэгъур нахь гъэшIэгъон хъугъэ. Командэ­хэр яшъыпкъэу текIоныгъэм фэ­банэ­щтыгъэх. ЗэIукIэгъур аухынымкIэ такъикъи 4 фэ­диз къэнагъэу «Урожаим» иешIакIоу В. Сы­суе­вым «Зэкъош­ныгъэм» икъэлапчъэ Iэгуаор къы­дидзагъ, 3:2-у Краснодар къикIыгъэхэм ахьыгъ.

ЕшIэгъухэр

Я 25-рэ ешIэгъухэм якIэуххэр зэтэгъапшэх.
«Чайка» — «Волгарь» — 1:0, «Спартак» Вл — «Академия» — 3:0 (ешIагъэхэп), «Ангушт» — «Черноморец» — 0:3, «Биолог» — «Спартак» Нч — 0:3, СКА —«Легион» — 0:1, «Динамо» — «Краснодар-3» — 3:1.

ЧIыпIэхэр

1. «Чайка» — 57
2. «Урожай» — 57
3. «Волгарь» — 49
4. «Черноморец» — 40
5. «Зэкъошныгъ» — 36
6. «Биолог» — 34
7. «Спартак» Нч — 34
8. «Легион» — 34
9. «Спартак» Вл — 28
10. «Мэщыкъу» — 25
11. «Динамо» — 24
12. «Краснодар-3» — 24
13. СКА — 18
14. «Ангушт» — 14
15. «Академия» — 9.
Я 26-рэ
зэIукIэгъухэр
4.05, шэмбэт
«Спартак» Нч — «Чайка»
«Ангушт» — СКА
«Волгарь» — «Зэкъошныгъ»
«Динамо» — «Урожай»
«Краснодар-3» — «Мэщыкъу»
«Черноморец» — «Биолог».

ШъунаIэ тешъудз, жъоныгъуа­кIэм и 11-м «Зэкъошныгъэр» «Спартак» Налщык Мыекъуапэ щыIукIэщт.

«Зэкъошныгъэр» «Мэщыкъу» Пятигорск непэ Мыекъуапэ щыдешIэщт. Зэнэкъокъур мафэм сыхьатыр 4-м Адыгэ республикэ стадионым щырагъэжьэщт. ЗэхэщакIохэм футболыр зышIогъэ­шIэгъонхэр ешIэгъум еплъынхэу рагъэблагъэх. Стадионым сатыушIхэм Iоф щашIэщт, орэдхэр щыжъынчыщтых.