МэщбэшIэ Исхьакъ тын лъапIэ къыфагъэшъошагъ

УФ-м и Президент иуна­шъокIэ «Урысыем IофшIэ-нымкIэ и ЛIыхъужъ» зы-фиIорэ щытхъуцIэр тхакIоу, Урысые общественнэ организациеу «УФ-м итхакIохэм я Союз» и Адыгэ шъолъыр къутамэ иправление итхьаматэу МэщбэшIэ Исхьакъ къыфагъэшъошагъ.

Адыгеим, Къэбэртэе-Бэлъкъарым, Къэ­рэ­­щэе-Щэрджэсым янароднэ тхакIоу Мэщ­бэшIэ Исхьакъ УФ-м и Президент къыфи­гъэ­шъошэгъэ щытхъуцIэмкIэ АР-м и ЛIышъхьэу КъумпIыл Мурат къыфэгушIуагъ.

— Къэралыгъом ыкIи цIыфхэм апашъхьэкIэ IофшIэн гъэхъэгъэшхо зиIэхэр арых Урысыем IофшIэнымкIэ и ЛIыхъужъ щытхъуцIэр къызфагъэ­шъуа­шэхэрэр. Тикъэралыгъо ицIыф лъэпкъхэм ялитературнэ кIэн хэхъоныгъэхэр ышIынхэм, лъэпкъ зэгурыIоныгъэр гъэпытэгъэным Исхьакъ Шумаф ыкъом иIахьышхо зэрэхэлъым мы тыныр ишыхьат, — къыIуагъ Къум­пIыл Мурат.

Сэнаущыгъэшхоу хэлъымкIэ, илитературнэ творчествэкIэ ыкIи общественнэ IофшIэнышхоу ыгъэцакIэрэмкIэ МэщбэшIэ Исхьакъ тиреспубликэ ыцIэ чыжьэу ыгъэIугъ.

Джащ фэдэу мы щытхъуцIэр къа­лэжьыгъ культурэмкIэ федеральнэ къэралыгъо бюджет учреждениеу «Евгений Вахтанговым ыцIэкIэ щыт къэралыгъо академическэ театрэм» иартистэу Василий Лановоим, Приморскэ краим Iоф щызышIэрэ Iахьзэхэлъ обществэу «Южморрыбфлот» зыфиIорэм иправление ипащэу Сергей Антоновым, нэмыкI­хэми.