МэфэкIым фегъэхьы

Урысыем кушъхьэфэчъэ спортымкIэ изэнэкъокъу Санкт-Петербург щыкIуагъ. Мые­къуа­пэ щапIугъэ Александр Евтушенкэр трекым щызэIукIагъэхэм ащыщ.

Сурэтым итхэр: Анатолий Лелюк апэрэ чIыпIэр къыдэзыхыгъэ Александр Евтушенкэм фэгушIо.Шъхьэзэкъо зэнэкъокъум Александр Евтушенкэр хэлэжьагъ. Трекым километри 4-р къызыщекIум, апэрэ чIыпIэр къыфа­гъэшъошагъ.

Адыгэ Республикэм кушъхьэ­фэчъэ спортымкIэ ифедерацие ипащэу Анатолий Лелюк хэгъэгум ихэшыпыкIыгъэ командэ хэтэу Александр Евтушенкэм фэгу­шIуагъ, дышъэу къыхьыгъэр риты­жьыгъ.

Александр Евтушенкэм спорт зэнэкъокъум гъэхъагъэу щишIыгъэр хэгъэгум иухъумакIо и Мафэ фегъэхьы. Гъэзетеджэхэм ацIэкIэ тиспортсмен тэри тыфэгушIо, имедальхэм ахигъэхъонэу фэтэIо.