Мыекъуапэ щызэхащэ

ЖъоныгъуакIэм и 26-м кушъхьэфэчъэ спортым и Дунэе мафэ фэгъэхьыгъэ марафон Мыекъуапэ щыкIощт. Республикэм и ЛIышъхьэу КъумпIыл Мурат Iофтхьабзэм хэлэжьэнэу зегъэхьазыры.

Урысыем и Мафэ фэгъэхьыгъэу марафоныр зэхащэ. Республикэм и Правительствэ зычIэт Унэм дэжь пчэдыжьым сыхьатыр 9-м къы­щыублагъэу 10.30-м нэс зэIукIэгъум хэлажьэ зышIоигъохэр атхыщтых. Мыекъуапэ иурамхэм кушъхьэфачъэхэмкIэ арыкIощтых.

Спортсменхэм яIэпэIэсэныгъэ къагъэлъэгъощт. Хабзэм икъулыкъушIэхэр, физкультурэм пыщагъэхэр Iофтхьабзэм щызэIукIэщтых. Рекордхэр агъэуцунхэ ямурадэу зэнэкъокъущтхэп. Псауныгъэр гъэ­пытэгъэным, языгъэпсэфыгъо уахътэ гъэшIэгъонэу агъэкIоным марафоныр фэгъэхьыгъэщт.