Мухьамэд ащыгъупшэрэп

СпортымкIэ дунэе класс зиIэ мастерэу М. Къу­ныжъым фэгъэхьыгъэ шIэжь зэнэкъокъу самбэмкIэ Щэрджэскъалэ щыкIуагъ. БэнэкIуи 120-м нахьыбэ зэIукIэгъумэ ахэлэжьагъ.

Саратов, Рязань, Дагъыстан, Ингушетием, Къалмыкъым, Къэ­бэртэе-Бэлъкъарым, Къэ­рэщэе-Щэрджэсым, Темыр Осетием, Краснодар краим, Адыгеим ялIыкIохэр алырэгъум щызэIукIагъэх.

Адыгеим щыщхэу Борсэ Щамил, кг 56-рэ, Кирилл Литви­новым, кг 70-рэ, апэрэ чIыпIэхэр къыдахыгъэх. Тренерхэу Н. Джары­мэкъор, Р. Джарымэкъор, Е. Демченкэр кIалэхэм япащэх.

Алхъо Салбый, кг 48-рэ, ятIо­нэ­рэ хъугъэ, тренерыр Р. Оробцов. Лъэцэр Дамир, кг 65-рэ, ящэнэрэ чIыпIэр къыфагъэшъошагъ, тренерхэр Д. Хьакурын, А. Чэтыжъ.

Къуныжъ Мухьамэд спорты­шхом лъэужышIу къыщигъэнагъ. Ар дунаим самбэмкIэ ичемпион, Къэ­рэщэе-Щэрджэсым и Парламент идепутатыгъ. Зэнэкъокъур яплIэ­нэ­рэу Щэрджэскъалэ щызэхащагъ.

НэкIубгъор зыгъэхьазырыгъэр ЕМТIЫЛЪ Нурбый.