МашIор мэзымкIэ щынагъо

КIымафэр къэсыгъ. ЗыгъэпсэфакIохэр тимэзхэм ыкIи тикъушъхьэхэм ятеплъэ дахэхэр зэрагъэлъэгъунэу, жэхэм атетхэу къыщачъыхьанхэу къакIохэу рагъэжьэщт. Ахэм языгъэпсэфыгъо уахътэ тефэу машIом мэзхэм зыкъащимыштэным пае Мыекъопэ районым итхэм уплъэкIунхэр ащашIых.

МашIом зыкъымыштэным пае цIыфхэм ашIэн фаехэр агурагъаIо, зыгъэпсэфакIохэр зыпхырыкIыхэрэ чIыпIэхэр къа­плъыхьэх, уцыжъхэр, чъыг тхьа­пэхэр зыщызэхэугъоягъэхэр къыхагъэщых.

УплъэкIунхэр Хьаджыкъо, Яворовэ гъэхъунэм ыкIи Лэ-гъо-Накъэ нахьыбэу щашIыщтых. Адыгэ Республикэм ошIэ-дэмышIэ IофхэмкIэ икъэра­лыгъо ГъэIорышIапIэ ипресс-къулыкъу зэрэхигъэунэфыкIыгъэмкIэ, уплъэкIунхэр зышIы-
гъэ купым къыхигъэщыгъ мэзым пэблагъэу щылъ чIыгум уцыжъ гъугъэхэр щагъэсты­гъэхэу. Ар зие предпринимателым ад­министративнэ пшъэ­дэкIыжьэу сомэ мин 20 тазырэу тыралъхьагъ.

(Тикорр.).