МашIом пщэрыхьапIэм зыкъыщимыштэным пае

Статистикэм къызэриушыхьатырэмкIэ, машIом къыздихьырэ яплIэнэрэ тхьамыкIагъо пэпчъ къызыщыхъурэр пщэрыхьапIэр ары. Ау унэм исыд фэдэрэ чIыпIи шъущысакъымэ нахьышIу. МашIом зыкъымыштэнымкIэ шапхъэу щыIэхэр шъумыукъонэу, шъушъхьи, нэмыкIхэм ящыIэныгъи щынэгъуапIэ ишъумыгъэуцонэу тышъоджэ. МашIом шъуипщэрыхьапIэ зыкъыщимыштэнымкIэ мырэущтэу шъузекIомэ нахьышIу:

* язакъоу кIэлэцIыкIухэр пщэрыхьапIэм къишъумынэх;

* шъупщэрыхьэ зыхъукIэ шъушъхьац зэкIэшъуугъуай, гъуапэр дэшъущай;

* зэрэушIоигъэм е псы зэрэтеткIуагъэм къахэкIэу горелкэр ренэу кIуасэ зыхъукIэ ар шъуукъэбзы, е жъугъэгъушъ;

* шъупщэрыхьэ зыхъукIэ шхынэу хьакум тетыр нэрыз шъумышI;

* пщэрыхьапIэм ит пкъыгъохэр инструкцием диштэу жъугъэфедэх, техникэ къутагъэр шъумыгъэфедах;

* пщэрыхьапIэм исыд фэдэрэ чIыпIи сапэмрэ бжьыгъэхэмрэ атешъулъэкIыкI;

* электропроводхэр къэплъын зылъэкIыщт пкъыгъохэм амал зэриIэкIэ нахь апэчыжьэнхэ зэрэфаер зыщышъумыгъэгъупш.

ЗыгорэкIэ машIом пщэрыхьапIэм зыкъызыщиштэкIэ, шъузэрыгыкIэрэ порошокыр, ятIэ е содэ жъугъэфедэмэ хъущт. Псым ишIуагъэ къэкIощтэп. МашIор шъуфэмыгъэкIуасэу нахь къызэкIаблэ зыхъукIэ, мэшIогъэкIуасэхэм шъукъядж, газымрэ электричествэмрэ жъугъэкIуасэх. МашIор нахь къызэкIэмыблэным пае мэшIогъэкIуасэхэр къэсыфэ пщэрыхьапIэм ипчъэ фэшъушIэу, нэзхэм хъэдэн цIынэхэр аIушъукоу, пчъэкIыбым псы тешъукIэзэ шъушIымэ хъущт.

Къалэу Мыекъуапэрэ

Мыекъопэ районымрэ

мэшIогъэкIосэнымкIэ якъэралыгъо

инспекторэу, лейтенантэу

К.И. ПЕРЕПЕЛЮК.