ЛIышIум тыныр ищыкIагъ

Бэрсэй Умарэ иунэкъощ,
Академик, еджэгъэшху.
Дунаишхом щызэлъашIэ.
Ар профессормэ ятхьамат,
Шъхьэу ащ шIотыр акъыл мат!
Ар убых! Сэ сыхэт?
Ащ щыгъуазэр Батырбый.
ЛIэкъо пстэуми якъэбар
МыгумэкIэу къыIотэн.
Ежь зэриIоу, ыгу урихьмэ,
Щэч хэмылъэу ар убых,
Уныбджэгъумэ – уабдзах.
Ишъхьэгъусэу Сафиет
Нэмыцыбзи, французыбзи
Убыхыбзэм къырещалIэх.
ЫшнахьыкIэу Абдулахь
Лъэпкъ онджэкъым щыбырсыр,
Мэщыт дахэр иIэшIагъ.
Ефэндыкъоу Батырбый
Убыхыбзэр зэрегъафэ!
ЫшIэн фаер ежь ышIагъ,
Медалышхор къылэжьыгъ,
Итхылъ ЛIышъхьэм пигъохыгъ.
ШIухьафтыныр хэт ратына!
Умыубыхэу къэблэжьына!
Еджэныгъи гъэсэныгъи
Батырбый ятхьаматэу,
Лорд Палатэм къыщэпсалъэ.
Урысыер егъэлъапIэ,
Ыгъэлъагэу ар еIэты.
Чикобавэ ригъэджагъ,
Емыджагъэм Тхьэр еуагъ!
Бырсырхэр еджэгъэшхох,
Емыджэрэр мэсымаджэ.
Дзыбэмэ ахэр япхъорэлъфых.
Лауреатыр хэгъэгу Iоф,
Ар ямытмэ, тэрэз хъуна?!
Сэмэркъэур Тхьэм икIас,
Зэфэныгъэр ащ ылъапс.

Бырсырмэ яныбджэгъоу,
абдзахэу Айдамыр.