Лъэпкъхэр зэфещэх

«Къыблэ сценэр» зыфиIорэ Дунэе фестивалэу Налщык щыкIуагъэм Адыгэ Республикэм и Лъэпкъ театрэу Цэй Ибрахьимэ ыцIэ зыхьырэр хэлэжьагъ.

Ингушетиер, Темыр Осетиер — Аланиер, Къэрэщэе-Щэрджэсыр, Ставрополь краир, Къыблэ Осетиер, Абхъазыр, Къэбэртэе- Бэлъкъарыр, Адыгеир фестивалым щызэIукIагъэх. Шъолъырхэм ятеатрэхэм спектаклэхэр къагъэ­лъэгъуагъэх.

Республикэм итеатрэу И. Цэим ыцIэ зыхьырэм испектаклэу «Кавказский меловой кругыр» гъэпсыкIэу иIэмкIэ зэхэщакIохэм къыхагъэщыгъ. Режиссерэу Хьа­кIэгъогъу Къэсэй къэгъэлъэгъоныр ыгъэуцугъ. ОсэшI купым иунашъо­кIэ Лъэпкъ театрэм иIофышIэхэм щытхъуцIэхэр къафагъэшъоша­гъэх.

«Сценографие анахь дэгъу» зыфиIорэр Лъэпкъ театрэм къыдихыгъ. СурэтышIэу Сихъу Рэмэзанэ ащ фэшI лъэшэу тыфэраз. Бзылъфыгъэ ролыр анахь дэгъоу къэзышIыгъэр Адыгэ Республикэм изаслуженнэ артисткэу Уайкъокъо Асыет. Режиссер Iофыгъохэр анахь дэгъоу зыгъэцэкIагъэу алъытагъэр ХьакIэгъогъу Къэсэй.

— Фестивалым изэхэщакIохэм тафэраз. Лъэпкъхэм язэпхыныгъэхэр гъэпытэгъэнхэмкIэ ащ фэдэ зэIукIэгъухэр тищыкIагъэх. Къэбэртэе-Бэлъкъарым иартисткэхэу Бэгъ Иннэ, Къулэ Марианэ, нэмыкIхэм гущыIэгъу сафэхъугъ, къэбар гъэшIэгъонхэр къызэфэтIотагъэх, — къытиIуагъ Уайкъо­къо Асыет.

Сурэтым итхэр: Бэгъ Инн, Уай­къокъо Асыет, Къулэ Мариан.