Лъэмыджыр зэфашIыщт

Адыгеимрэ Краснодаррэ зэзыпхырэ Яблоновскэ лъэмыджыр 2018-рэ илъэсым шышъхьэIум и 4-м къыщегъэжьагъэу и 20-м нэс зэрэзэфэшIыгъэщтымкIэ Адыгэ Республикэм и МВД водительхэм макъэ арегъэIу. А уахътэм зигугъу къэтшIыгъэ лъэмыджым гъэцэкIэжьын IофшIэнхэр рашIылIэщтых.

ЛъэсрыкIохэм анаIэ тырядгъадзэ тшIоигъу а мафэхэм Яблоновскэ лъэмыджым ахэр рыкIонхэ зэралъэкIыщтым.

ГъэцэкIэжьын IофшIэнхэр зыщыкIощт чIыпIэхэм гъогурыкIонымкIэ шапхъэхэр ащамыукъонхэм къэралыгъо автоинспекторхэм анаIэ тырагъэ­тыщт.

АгъэцэкIэжьырэ псэуалъэм къыдаухьан зэрэ­фаер къэзыгъэлъэгъорэ тамыгъэхэр лъэмыдж Iу­хьапIэхэми, нэмыкI чIыпIэхэми ащагъэуцущтых.

Адыгеим и Къэралыгъо автоинспекцие водительхэм къяджэ гъогурыкIонымкIэ шапхъэхэр амыукъонхэу, Яблоновскэ лъэмыджым къыдаухьэзэ зэрыкIощтхэ нэмыкI гъогухэр пэшIорыгъэшъэу къыхахынэу.

Адыгэ Республикэм и МВД ипресс-къулыкъу