ЛъэгапIэм зэдытеуцох

Урысыем самбэмкIэ изэIукIэгъоу «Сигупсэ шъолъыр» зыфиIорэр къалэу Рязань щыкIуагъ. Адыгэ Республикэм ибэнакIохэм медали 6 зэнэкъокъум къыщыдахыгъ.

Хэгъэгум ишъолъырхэм къарыкIыгъэ нэбгырэ 200 алырэгъум щызэIукIагъ. Адыгэ Республикэм самбэмкIэ зыщызыгъасэхэрэм килограмм 56-м нэс къэзыщэ­чыхэрэр нахь къахэщыгъэх. Бэгъ Тимур апэрэ чIыпIэр купым къы­щыдихыгъ, тренерыр Гъомлэшк Алый. ЯтIонэрэ чIыпIэр Хьакъуй Анзор къыхьыгъ, ащи А. Гъомлэшкыр ипащ. ЦIыкIушъо Асхьад ящэнэрэ чIыпIэр къыдихыгъ, Хьа­курынэ Дамир ыкIи Акъущ Бислъан ипащэх. Адыгеим икIэлищмэ хагъэунэфыкIырэ чIыпIэхэр къыдахи, зы лъэгапIэм зэдытетхэу медальхэр, щытхъу тхылъхэр къаратыжьыгъэх.

Тыгъужъ ТIахьир, кг 52-рэ, Лъэцэр Дамир, кг 65-рэ, апэрэ чIыпIэхэр къахьыгъэх, тренерхэр Хьакурынэ Дамир, Хьабэхъу Адам, Чэтыжъ Алый.

Гъомлэшк Анзор, кг 48-рэ, ящэ­нэрэ чIыпIэр къыфагъэшъошагъ, тренерыр А. Гъомлэшк.

Апэрэ ыкIи ятIонэрэ чIыпIэхэр къыдэзыхыгъэхэр Урысыем иныбжьыкIэхэм якIэух зэнэкъо­къоу 2019-рэ илъэсым мэзаем Москва щыкIощтым хэлэжьэщтых.

ТибэнакIохэу Рязань щыIагъэ­хэм пэщэныгъэ адызезыхьа­гъэхэм ащыщэу ГуIэтыжь Хъа­лидэ зэрилъытэрэмкIэ, Адыгеим щагъэсэрэ кIалэхэм яIэпэIэсэныгъэ хэпшIыкIэу хагъахъо, нэмыкI шъолъырхэм къарыкIыгъэхэр нарт шъаохэм къакIырэплъых.