КIэуххэм шъуагъэраза?

«Биолог» Прогресс – «Зэкъошныгъ» Мыекъуапэ – 0:1.
ЖъоныгъуакIэм и 31-м Краснодар краим ипсэупIэу Прогрессым щызэдешIагъэх.
Къэлапчъэм Iэгуаор дэзыдзагъэр – Ризван Ахмедханов – 37.

Купэу «Къыблэм» 2018 – 2019-рэ илъэс ешIэгъур щаухыгъ. «Зэкъошныгъэр» «Биологым» 1:0-у зэрэтекIуагъэм ишIуагъэкIэ я 5-рэ чIыпIэм къэнэжьыгъ. «Спартак» Налщык я 6-рэ чIыпIэм нахь лъагэу дэкIоен ылъэкIыгъэп.

«Зэкъошныгъэр» «Биологым» зыIокIэм, апэрэ такъикъхэм къа­щыублагъэу ыпэкIэ илъыщтыгъ. Iащэ Анзор, Къонэ Амир, Тофик Кадиевым, фэшъхьафхэм «Биологым» иухъумакIохэр агъэгумэкIыщтыгъэх. Ризван Ахмедхановыр метрэ 25-рэ фэдизкIэ зыпэ­чыжьэ къэлапчъэм лъэшэу зыдэом, Iэгуаор чэрэгъузэ хъагъэм икъогъупэ къофагъ. «Биологыр» пчъагъэм емызэгъэу ыпэкIэ къы­лъыкIуатэщтыгъ, тикъэлапчъэ Iэгуаор къыдидзэнэу чIыпIэшIу ешIакIохэр ифэхэу къыхэкIыгъ. КъэлэпчъэIутэу Гиголаевыр, ухъу­макIохэр цыхьэшIэгъоу ешIагъэх, «Зэкъошныгъэм» текIоныгъэр 1:0-у къыдихыгъ.

ЕшIэгъухэр

«Черноморец» — «Мэщыкъу» — 2:0, «Ангушт» — «Динамо» — 1:7, «Волгарь» — «Легион» — 1:1, СКА – «Чайка» — 0:1, «Спартак» Налщык – «Спартак» — Владикавказ – 3:0.

Къыдахыгъэхэ чIыпIэхэр

1. «Чайка» — 70
2. «Урожай» — 64
3. «Волгарь» — 59
4. «Черноморец» — 52
5. «Зэкъошныгъ» — 45
6. «Спартак» Нч — 43
7. «Легион» — 42
8. «Биолог» — 37
9. «Динамо» — 34
10. Спартак» Вл – 30
11. «Мэщыкъу» — 29
12. «Краснодар-3» — 28
13. СКА – 24
14. «Ангушт» — 15
15. «Академия» — 9.

«Зэкъошныгъэм» ешIэгъу 15 къыхьыгъ, 13-р шIуахьыгъ, зэфэ­дэу пчъагъэр зыкIи ешIагъэп.

Илъэс ешIэгъум еплъыкIэу фытиIэм ехьылIагъэхэ тхыгъэхэр «Адыгэ макъэм» къыщыхэтыу­тыщтых.

ШъуиупчIэхэм тыкъяжэ

Тренер шъхьаIэу Ешыгоо Сэфэрбый упчIэ езытхэ зышIои­гъохэр гъэзетым иредакцие мыщ фэдэ телефонкIэ къытеонхэу тяжэ: 52-51-84; 8 928 472-85-88.
Шъуеужьыр, упчIэхэм мэкъуогъум и 10-м нэс тыкъяжэщт.