Къэлэ паркым щызэхащэщтых

Мэкъуогъум и 12-м, Урысыем и Мафэ, Iофтхьэбзэ зэфэшъхьафыбэ Адыгеим щызэхащэ. МыекъуапэкIэ Iофтхьабзэхэр зэкIэ къэлэ паркыр ары зыщыкIощтхэр.

МэфэкI мафэр митинг-концерткIэ къызэIуахыщт. Патриотическэ орэдхэр коллективхэм мэфэ реным паркым къыщаIощтых, духовой оркестрэм концерт къытыщт. КIэлэцIыкIухэм апае хэушъхьафыкIыгъэу Iофтхьэбзэ зэфэшъхьафыбэ зэхащэщт. ГущыIэм пае, цIыф IэпэIасэхэм мастер-классхэр къатыщтых, кинотеатрэу «Гигантым» мультфильмэхэр къыщагъэлъэгъощт. НэмыкI Iофтхьэбзэ зэфэшъхьафыби агъэнэфагъ.

КъэшъокIо купхэмрэ орэдыIохэмрэ зыхэлэжьэщт программэкIэ мэфэкIыр аухыщт.