Культурэм иIофыгъохэр

Iоныгъом и 28-м агъэмэфэкIыщт

Iоныгъом и 28-м тиреспубликэ имызакъоу, Урысыем ишъолъырхэу тилъэпкъэгъухэр зыщыпсэухэрэм, IэкIыб къэралыгъохэм адыгэ шъуашэм и Мафэ ащагъэмэфэкIыщт.

Мыекъуапэ щызэхащэрэ мэфэкIым ирежиссерэу агъэнэфагъ Едыдж Викторие. Хабзэм икъулыкъушIэхэр, общественнэ движениеу «Адыгэ Хасэр» IэпыIэгъу къыфэхъухэзэ, Iофыр зэрэлъыкIуатэрэм тигъэзетеджэхэр щыдгъэгъозэщтых.

«Ислъамыем» зегъэхьазыры

Адыгеим и Къэралыгъо орэдыIо-къэшъокIо ансамблэу «Ислъамыер» Абхъазым кIощт, Iоныгъо мазэм концертхэр къыщитыщтых.

«Ислъамыем» ихудожественнэ пащэу, Урысыем инароднэ артистэу, композиторэу Нэхэе Аслъан къызэриIуагъэмкIэ, къош республикэм тиартистхэр щашIэх. ЗэIукIэгъухэм яшIуагъэкIэ лъэпкъ искусствэм нахь зеушъомбгъу.

Великобританием щысэ тырахы

Музыкэм фэгъэхьыгъэ гъэсэныгъэ кIэлэеджакIохэм, студентхэм ягъэгъотыгъэным фэшI Великобританием егъэджэныр зэрэщызэхащэрэм Мыекъуапэ щытегущыIагъэх.

Искусствоведэу Разия Султановам зэрищэгъэ зэхахьэу Адыгэ Республикэм искусствэхэмкIэ икIэлэцIыкIу еджапIэу К. Лъэцэрыкъом ыцIэ зыхьырэм щыкIуагъэм ехьылIэгъэ тхыгъэхэр къыхэтыутыщтых.

ЕМТIЫЛЪ Нурбый