Краснодар краим хагъэхьажьыщтэп

Уф-м и Следственнэ комитет иследственнэ ГъэIорышIапIэу АР-м щыIэр Краснодар краим мыщ фэдэ иведомствэ зэрэхамыгъэхьажьыщтыр пресс-конференцием къыщиIуагъ шъолъыр следственнэ ГъэIорышIапIэм ипащэу Александр Глущенкэм.

Адыгеим щыIэ следственнэ ГъэIорышIапIэр Краснодар краим ием хагъэ­хьажьын алъэкIынэу ыпэкIэ Адыгеим и Парламент щытегущыIагъэхэу щытыгъ. Ащ къыхэкIэу депутатхэм Федерацием и Совет ыкIи Къэралыгъо Думэм джэпсалъэкIэ зафагъэзагъ, республикэ ведомствэр зыми емыпхыгъэ чIыпIэ къулыкъу статус иIэу къэгъэнэжьыгъэнэу.

— Адыгеим иследственнэ ГъэIорышIапIэ зыми емыпхыгъэу къэгъэнэжьыгъэнымкIэ УФ-м и Президент и Администрацие, Федерацием и Совет, Къэралыгъо Думэр, Адыгеим ихэбзэгъэуцу ыкIи игъэцэкIэкIо къулыкъухэр къыкъоуцуагъэх. Ащ нэмыкIэу республикэм щыпсэухэрэм ГъэIорышIапIэм мэхьанэшхо раты, — къыIуагъ Александр Глущенкэм.

ЫпэкIэ следственнэ гъэIорышIапIэхэу Севастополь ыкIи Къырым, Хакасиер ыкIи Красноярскэ краир, Еврей автоном хэкур ыкIи Хабаровскэ краир зэхэгъэ­хьажьыгъэнхэм епхыгъэ унашъор Урысыем щаштагъ.

КIАРЭ Фатим