Концерт къафатыгъ

Урысые къэралыгъом ихэгъэгу кIоцI Iофхэм якъэухъумэн ыкIи джырэ Росгвардием лъапсэ афэзышIыгъэу генералэу Е.Ф. Комаровскэр къызыхъугъэр илъэс 250-рэ зэрэхъурэм фэгъэхьыгъэ концерт Мыекъуапэ культурэм и Унэу дэтым, «Гигантым» щыкIуагъ. Урысые Федерацием Къыблэ шъолъырымкIэ идзэ лъэпкъ гвардие орэд къэIонымрэ къэшъонымрэкIэ иансамблэ ыкIи Росгвардием и ГъэIорышIэпIэ шъхьаIэу Краснодар краим щыIэм идзэ оркестрэ Iофтхьабзэм хэлэжьагъэх.

МэфэкI концертым къеблэгъа­гъэх АР-м и Къэ­ралыгъо Совет — Хасэм и Тхьаматэу Владимир Нарожнэр, АР-м и Премьер-министрэ иIэнатIэ охътэ гъэнэфагъэкIэ зыгъэцэкIэрэ Сапый Вячеслав, Урысыем и ЛIыхъужъэу Цэй Эдуард, хэбзэухъумэкIо къулыкъухэм япащэхэр, Росгвардием и ГъэIорышIапIэу Адыгэ Респуб­ликэм щыIэм икъулыкъушIэхэр.

Дзэм иартистхэм урыс орэдхэр, бэмэ зэлъа­шIэрэ ыкIи агу рихьырэ мэкъамэхэу «Есть только миг», «Ты Россия моя», «От Волги до Енисея», «Желаю тебе, земля моя» зыфиIохэрэр Iэмэ-псымэхэм къырагъэIуагъэх.

КIАРЭ Фатим.