Конференцие щыIэщт

Урысые политикэ партиеу «Единэ Россием» и Адыгэ регион къутамэ ия XXXI-рэ конференцие Союзхэм я Унэ иактовэ зал непэ сыхьатыр 11-м щырагъэжьэщт.

Партием и Генеральнэ совет хэтэу, Адыгэ Республикэм и ЛIышъхьэу КъумпIыл Мурат, партиеу «Единэ Россием» ирегион къутамэ исекретарэу Iэщэ Мухьамэд, регион политсоветым хэтхэр, пэублэ къутамэхэм яделегатхэр ащ хэлэжьэщтых.

Урысые политикэ партиеу «Единэ Россием» ия XVIII-рэ Зэфэсэу 2018-рэ илъэсым тыгъэгъазэм и 7 – 8-м Москва щыкIуагъэм икIэуххэр мыщ щызэфахьысыжьыщтых.
Партиеу «Единэ Россием» и Адыгэ регион къутамэ исекретарь конференцием щыхадзыщт. Джащ фэдэу регион политсоветымрэ ащ и Президиумрэ ахэтыщтхэр агъэнэфэщтых.

Партиеу «Единэ Россием» ирегион къутамэ исекретарэу Iэщэ Мухьамэд къызэриIуагъэмкIэ, Зэфэсыр зыщыIэгъэ апэрэ мафэм чIыпIищмэ дискуссиехэр ащыкIуагъэх, Зэфэсым ыпэкIэ респуб­ликэхэм ащыкIогъэ дискуссиехэм якIэуххэр ахэм ащызэфахьысыжьыгъэх. Джащ фэдэу Урысыем и Президентэу Владимир Путиным къыгъэнэфэгъэ проектхэмрэ зигъо Iофыгъохэмрэ атегущыIагъэх. Уставым зэхъокIыныгъэхэр фашIыгъэх. Партиеу «Единэ Россием» хэтхэм къыдалъытэн фэе шэпхъэ гъэнэфагъэхэр ащ хагъэхьагъэх. Зэфэсым щаштэгъэ унашъохэм атетэу конференциер зэхащэщт.