ИпсэукIэ нахьышIу хъущт

Адыгеим и ЛIышъхьэу КъумпIыл Мурат иунашъокIэ Хэгъэгу зэошхом иветеранэу Надежда Портуровскаям ипсэупIэ амалхэр нахьышIу шIыгъэнхэм тегъэпсыхьэгъэ сертификат Адыгэкъалэ ипащэу ЛIыхэсэ Махьмудэ ритыжьыгъ.

Надежда Портуровскаям илъэс 98-рэ ыныбжь. Хэгъэгу зэошхор къызежьэм, зэуапIэм Iутыгъэмэ ар ащыщ, уIагъэ хихыгъ, Хэгъэгу зэошхом иорденэу я II-рэ шъуашэ зиIэр, медальхэу «За отвагу», «За боевые заслуги», «За победу над Германией» зыфиIохэрэр къыфагъэшъошагъэх. Илъэсыбэрэ къоджэ кIэлэегъаджэу Iоф зешIэ уж РСФСР-м лъэпкъ гъэсэныгъэмкIэ изаслуженнэ IофышIэ хъугъэ.
— Надеждэ Алексей ыпхъум ипсэупIэ амалхэр нахьышIу зэришIышъущтыр сигуапэ. Хэгъэгу зэошхом иветеранхэм псэупIэ ягъэгъотыгъэным те­гъэпсыхьэгъэ программэу къэралыгъом ипащэу Владимир Путиныр зикIэщакIом ишIуагъэ­кIэ ар къыдэхъугъ.
Надеждэ Алексей ыпхъум псауныгъэ иIэнэу, ыгу ымы­гъэкIодынэу, анахь шъхьаIэр — джыри илъэсыбэрэ мэфэ­кIышхоу ТекIоныгъэм и Мафэ къыддигъэмэфэкIынэу сыгу къыздеIэу фэсэIо! — къащи­т-хыгъ КъумпIыл Мурат исоциальнэ нэкIубгъохэм.