Илъэсыр имыкIызэ

Пенсиер зыщызэIукIэрэм къэралыгъом иIахь къызэрэхилъхьэрэм фэгъэхьыгъэ Программэм къызэрэдилъытэрэмкIэ, цIыфым ипенсие зыщызэIукIэрэм страхованиемкIэ взносэу ригъахьэрэм фэдиз къэралыгъом къыфыхегъахъо. Взносыр сомэ 2000-м къыщыублагъэу 12000-м шIомыкIэу ары зэрагъэнэфагъэр.

Мы Программэм непэ ухэуцон плъэкIыщтэп, ау 2015-рэ илъэсым итыгъэгъэзэ мазэ и 31-м нэс ащ зыщызгъэунэфыгъэхэмкIэ ар лъэкIуатэ. Илъэси 10-м къыкIоцI ахъщэу атырэм фэдиз къэралыгъом ахэм къафыхигъэхъощт. Ащ имызакъоу, атыгъэм ипроцент 13-м хэбзэIахьхэмкIэ къулыкъум къыригъэгъэзэжьыщт. Ащ пае апэрэ взносыр затыгъэм ыуж илъэсищ нахьыбэ тырамыгъашIэу лъэIу тхылъыр афахьын фае.

Программэм хэхьагъэу, ипенсие зыщызэIукIэрэм къэралыгъом иIахь къыфыхигъахъомэ зышIоигъохэм мы илъэсыр имыкIызэ взносыр атын фаеу зэрэщытыр агу къэдгъэкIыжьы тшIоигъу.