ИлъэсыкIэ «линие плъырым» Iоф ешIэ

ИлъэсыкIэм ыкIи кIымэфэ зыгъэпсэфыгъохэм япэгъокIэу тыгъэгъазэм и 4-м къыщегъэжьагъэу и 18-м нэс «линие плъыр» Роспотребнадзорым Адыгэ РеспубликэмкIэ и ГъэIорышIапIэ къызэIуихыгъ. ИлъэсыкIэ джэгуалъэхэм ыкIи кIэлэцIыкIу товархэм язытет, ящынэгъончъагъэ иIофыгъохэм афэгъэхьыгъэу ащ Iоф ышIэщт.

КIэлэцIыкIу щыгъынхэм, джэгуалъэхэм, шIухьафтынхэм якъыхэхынкIэ, язытет пылъ шапхъэхэмкIэ шъузыфэе къэбарыр Роспотребнадзорым испециалистхэм къышъуаIощт.

Шъузэрэтеон шъулъэкIыщт телефонхэм яномерхэр: 8(8772)-52-74-42-рэ, 52-74-34-рэ, 52-18-47-рэ.