ЗэIукIэгъуитIури къымыхьы хъущтэп

«Динамо-МГТУ» Мыекъуапэ — «Энергетик» Саратов — 3:0; 3:0.

DSC_0392

Урысыем волейболымкIэ иапшъэрэ купэу «Б-м» хэтхэм зичэзыу ешIэгъухэр яIагъэх. Сара­тов икомандэ мэзаем и 20-м Мыекъуапэ къэкIон ылъэкIыгъэп. Автобусыр гъогум текъутыхьи, игъо ифагъэхэп. «Энергетикыр» къиныгъоу зыхэфагъэр зэхэща­кIохэм къагурэIо, ау хэбзэ шапхъэу щыIэри къыдалъытагъ. Са­ратов икомандэ ипIалъэм Мые­къуапэ къызэрэмысыгъэм фэшI «Динамо-МГТУ-м» текIоныгъэр 3:0-у къыдихыгъэу фа­лъытагъ.

Мэзаем и 21-м Саратоврэ Мыекъуапэрэ яволейбол командэхэр тикъалэ зыщызэIокIэхэми 3:0-у ешIэгъур тиспортсменхэм къахьыгъ. Вячеслав Кириленкэр, Къошк Руслъан, Евгений Тюриныр, Мамрышэ Къамболэт, Никита Филипповыр дэгъоу ешIа­гъэ­хэм ащыщых.

— Красногорскэ икомандэ тапэ ишъыгъ, — къытиIуагъ «Динамо-МГТУ-м» итренер шъхьаIэу Павел Зборовскэм. — Очко 46-рэ тиIэу ятIонэрэ чIыпIэм ты­щыI. Калугэ икомандэу «Ока» зыфиIорэм ящэнэрэ чIыпIэр къыдихын ылъэкIыщт, очко 45-рэ ри­гъэкъугъ. Владимир иешIакIохэр я 4-рэ чIыпIэм щыIэх, очко 39-рэ яI.

«Динамо-МГТУ-м» мэзаем и 27 — 28-м Ростов-на-Дону иешIа­кIохэр тикъалэ къырегъэбла­гъэх. Тиспортсменхэр финалым хэфэнхэм фэшI ешIэгъуитIури къамыхьы хъущтэп.

Сурэтыр Мыекъуапэрэ Саратоврэ якомандэхэм язэIукIэгъу къыщытетхыгъ.