Зэпыугъом ыуж

Урысыем футболымкIэ иапшъэрэ куп щыкIорэ зэнэкъокъум хэлэжьэрэ командэхэм я 9-рэ зэIукIэгъухэр Iоныгъом и 13 – 16-м яIэщтых.

Хэгъэгум футболымкIэ ихэшыпыкIыгъэ командэ Европэм изэнэкъокъу хэлэжьэным фэшI пэшIорыгъэшъ зэIукIэгъухэм апэрэ чIыпIитIумэ ащыщ къащыдихын фае. Iоныгъом и 6-м Шотландием 2:1-у, и 9-м Казахстан 1:0-у тиешIакIохэр атекIуагъэх. Чъэпыогъум и 15-м Урысыер Шотландием ятIонэрэу дешIэщт, зэIукIэ­гъур Москва щыкIощт.

ТихэшыпыкIыгъэ командэ Европэм изэIукIэгъухэм зэрахэлажьэрэм къыхэкIэу хэгъэгум изэнэкъокъу зэпыугъо фашIы­гъагъ. Урысыем ихэшыпыкIыгъэ командэ итренер шъхьаIэу Станислав Черчесовым къызэриIуагъэу, тиешIакIохэр Европэм икIэух зэнэкъокъу хэлэжьэнхэм фэшI яшъыпкъэу Iоф зыдашIэжьы.

Я 9-рэ зэIукIэгъухэр

13.09
«Зенит» — «Арсенал»
14.09
«Спартак» — «Урал»
«Шъачэ» — «Локомотив»
15.06
«Оренбург» — «Рубин»
«Тамбов» — ЦСКА
«Краснодар» — «Крылья Советов»
16.09
«Динамо» — «Уфа»
«Ростов» — «Ахмат».