Зэпхыныгъэхэр агъэпытэщтых

Къэбэртэе-Бэлъкъарым и ЛIышъхьэу КIокIо Юрэрэ Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Муратрэ Правительствэр зычIэт унэу Налщык дэтым зэIукIэгъу щызэдыряIагъ.

ШъолъыритIумэ яэкономикэ нахь зэпэблагъэ зэрэхъущтым, янаучнэ-техническэ, культурэ зэдэлэжьэныгъэ япхыгъэ Iофыгъохэм атегущыIагъэх, промышленностымкIи, мэкъу-мэщымкIи язэдэлэжьэныгъэ лъагъэкIотэнымкIэ амалышхохэр зэрэщыIэхэр хагъэунэфыкIыгъ. КIокIо Юрэрэ КъумпIыл Муратрэ Къэбэртэе-Бэлъкъарымрэ Адыгэ Республикэмрэ ащыпсэурэ зэкъош лъэпкъхэм язэпхыныгъэхэр агъэпытэхэ зэрашIоигъор къаIуагъ.

Адыгэ Республикэм и ЛIышъхьэ ипресс-къулыкъу