Зэнэкъокъухэм щатекIуагъэхэр

Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет зэхищэгъэ зэнэкъокъухэм якIэуххэр зэфахьысыжьыгъэх.

Зэнэкъокъоу «Адыгеир зэдытиун» зыфиIорэм щатекIуагъэхэр

Гъэзетхэмрэ журналхэмрэ къахаутыгъэхэмкIэ:

А I-рэ чIыпIэр фагъэшъошагъ республикэ гъэзетэу «Адыгэ макъэм» гъэсэныгъэмкIэ иотдел иредакторэу Сихъу Гощнагъо Сэлымчэрые ыпхъум итхыгъэу «Адыгеир сиунэу сэлъытэ» зыфиIорэм пае;

я II-рэ чIыпIэр — гъэзетэу «Майкопские новости» иобозревателэу Слажнева Еленэ Юрий ыпхъум итхыгъэу «С Россией навсегда» зыфиIорэм пае;

я III-рэ чIыпIэр — республикэ гъэзетэу «Советскэ Адыгеим» иобозревателэу Мельникова Юлие Сергей ыпхъум иматериалэу «Простой рецепт обыкновенного счастья» зыфиIорэм пае.

Теле-, радиокъэтынхэмкIэ:

А I-рэ чIыпIэр фагъэшъошагъ Къэралыгъо телерадиокомпаниеу «Адыгеим» иотделэу IэкIыб къэралхэм ащыпсэурэ тилъэпкъэгъухэм афэгъэхьыгъэ къэтынхэр зэхэзыщэрэм ипащэу Тыгъужъ Саниет Щамсудинэ ыпхъум радиокъэтынэу «Адыгеир зэдытиун» зыфиIорэм пае;

я II-рэ чIыпIэр — муниципальнэ бюджет учреждениеу «Мыекъопэ телевидением» къэбархэмкIэ ыкIи тематическэ къэтынхэмкIэ иотдел икорреспондентэу Абрэдж Аидэ Руслъан ыпхъум телекъэтынэу «Город мастеров» зыфиIорэм пае;

я III-рэ чIыпIэр — муниципальнэ образованиеу «Шэуджэн районым» имуниципальнэ бюджет учреждениеу ТВ «Зарево» икорреспондентэу Боджэкъо Тамилэ Къэплъан ыпхъум телекъэтынэу «Наши земляки… чехи» зыфиIорэм пае.

Зэнэкъокъоу «Стоп коррупция» зыфиIорэм щатекIуагъэхэр

Гъэзетхэмрэ журналхэмрэ къащыхаутыгъэхэмкIэ:

А I-рэ чIыпIэр фагъэшъошагъ республикэ гъэзетэу «Советскэ Адыгеим» иобозревателэу Космачева Еленэ Виктор ыпхъум иматериалэу «Земля по-прежнему в цене» зыфиIорэм пае;

я II-рэ чIыпIэр — гъэзетэу «Красное знамя» иредактор шъхьаIэу Дорофеева Викторие Валентин ыпхъум иматериалэу «Зеленая папка»: сколько стоит койка» зыфиIорэм пае;

я III-рэ чIыпIэр — гъэзетэу «Майкопские новости» иредактор шъхьаIэ игуадзэу Корниенко Верэ Владимир ыпхъум иматериалэу «Стоп коррупция» зыфиIорэм пае.

Теле-, радиокъэтынхэмкIэ:

А I-рэ чIыпIэр афагъэшъошагъ Къэралыгъо телерадиокомпаниеу «Адыгеим» радиокъэтынхэмкIэ икъулыкъу икорреспондентэу Къэбыхьэ Маринэ Сахьид ыпхъумрэ извукорежиссерэу Белошенко Татьянэ Николай ыпхъумрэ зэдагъэхьазырыгъэ радиокъэтынэу «Коррупция в XXI веке» зыфиIорэм пае;

я II-рэ чIыпIэр — Къэралыгъо телерадиокомпаниеу «Адыгеим» телевидениемкIэ икъэтынхэр зезыщэу Федосеева Евгение Валерий ыпхъумрэ телеоператорэу Федосеев Юрий Павел ыкъомрэ зэдагъэхьазырыгъэ телевизионнэ репортажэу «Правила цветочной экономии» зыфиIорэм пае;

я III-рэ чIыпIэр — муниципальнэ бюджет учреждениеу «Мыекъопэ телевидением» къэбархэмкIэ ыкIи тематическэ къэтынхэмкIэ иотдел икорреспондентэу Грюнер Андрей Александр ыкъом Адыгэ Республикэм ипрокуратурэ 2017-рэ илъэсым Iоф зэришIагъэм ехьылIагъэм пае.

Зэнэкъокъоу «Патриот» зыфиIорэм щатекIуагъэхэр 

Гъэзетхэмрэ журналхэмрэ къащыхаутыгъэхэмкIэ:

А I-рэ чIыпIэр фагъэшъошагъ республикэ гъэзетэу «Советскэ Адыгеим» иобозревателэу Ломешина Валерие Иван ыпхъум иматериалэу «Без срока давности» зыфиIорэм пае;

я II-рэ чIыпIэр — республикэ гъэзетэу «Адыгэ макъэм» литературэмрэ культурэмрэкIэ иотдел иредакторэу Мамырыкъо Нуриет Даутэ ыпхъум итхыгъэу «ЛIэшIэгъухэм ахэмыкIокIэщт лIыхъужъныгъ» зыфиIорэм пае;

я III-рэ чIыпIэр — республикэ гъэзетэу «Советскэ Адыгеим» иобозревателэу Маркова Еленэ Владимир ыпхъум иматериалхэу «Их имена не забыты» зыфиIохэрэм апае.

Теле-, радиокъэтынхэмкIэ:

А I-рэ чIыпIэр фагъэшъошагъ Къэралыгъо телерадиокомпаниеу «Адыгеим» телевидениемкIэ икъэтынхэр зезыщэу Дэчлэжъ Светланэ Айтэч ыпхъум ителекъэтынэу «Творческая мастерская» зыфиIорэм пае;

я II-рэ чIыпIэр — Къэралыгъо телерадиокомпаниеу «Адыгеим» идиректор иIэпыIэгъоу ТIэшъу Светланэ Батырбый ыпхъумрэ ителеоператорэу Шъэджэшъэ Азэмат Айтэч ыкъомрэ яре-портажэу «Счастье Зои» зыфиIорэм пае;

я III-рэ чIыпIэр — Къэралыгъо телерадиокомпаниеу «Адыгеим» телевидениемкIэ икъэтынхэр зезыщэу Ахыджэго Рузанэ Налбый ыпхъумрэ ителеоператорэу Свеженцев Алексей Василий ыкъомрэ зэдагъэхьазырыгъэ телевизионнэ материалэу «Победа над временем» зыфиIорэм пае.